គ្រោះថ្នាក់ចរាចរណ៍ ដ៏រន្ធត់ រថយន្តបុករថយន្ត បណ្តាលឲ្យមនុស្សម្នាក់-ស្លា-ប់- នៅនឹងកន្លែង ត្រង់ចន្លោះគីឡូម៉ែត្រលេខ១០៣-១២០៤ ចំណុចភូមិទី៦ ឃុំយាយម៉ៅពេជ្រនិល នៅស្រុកភ្នំស្រួច!!!
(ខេត្តកំពង់ស្ពឺ)៖នៅរសៀល ថ្ងៃទី៣១ ខែសីហា ឆ្នាំ២០២៣ នេះនៅវេលាម៉ោង ១១និង៣០នាទី នៅផ្លូវជាតិលេខ៤ ចន្លោះគីឡូម៉ែត្រលេខ១០៣-១២០៤ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ មានរថយន្ត០១គ្រឿង ម៉ាក SHACMAN ពណ៌ស ពាក់ស្លាកលេខភ្នំពេញ 3G-1758 សណ្តោងរ៉ឺម៉ក់ ពណ៌ស ពាក់ស្លាកលេខភ្នំពេញ 4B-0249 អ្នកបើកបរមិនស្គាល់អត្តសញ្ញាណ (ចុះរត់គេច) បេីកបរពីទិសខាងកើតទៅទិសខាងលិច ដល់ចំណុចខាងលេី បានបុករថយន្ត០១គ្រឿង ម៉ាកហុីយ៉ាន់ដាយ ពណ៌លឿង ពាក់ស្លាកលេខ ភ្នំពេញ 3C-3445 សណ្តោងរ៉ឺម៉ក់ ពណ៌លឿង ពាក់ស្លាកលេខ ភ្នំពេញ 4A-1424 អ្នកបើកបរមិនស្គាល់អត្តសញ្ញាណ រួចបន្តទៅបុករថយន្ត០១គ្រឿងទៀត ម៉ាក FORD TRANST ពណ៌ខៀវ ពាក់ស្លាកលេខ ភ្នំពេញ 3F-5325 អ្នកបើកបរមិនស្គាល់អត្តសញ្ញាណ ដែលកំពុងបើកបរបញ្រ្ចាសទិសគ្នា បណ្តាលឲ្យគ្រោះថ្នាក់មនុស្ស និងខូចខាត ដូចខាងក្រោម÷
-ស្លាប់០១នាក់ប្រុស (នៅកន្លែងកើតហេតុ)
– របួសស្រាលធ្ងន់ (មិនទាន់ដឹងចំនួន)
– ខូចខាតរថយន្ត០៣គ្រឿង ធ្ងន់០២គ្រឿង។
កម្លាំងនគរបាលស្រុកភ្នំស្រួច កំពុងសម្រួលចរាចរណ៍នៅកន្លែងកើតហេតុ ករណីនេះ ពុំបង្កឲ្យមានការកកស្ទះចរាចរណ៍ឡើយ អាចចរាចរណ៍បានមួយចំហៀង ព័ត៌មានលំអិតនឹងរាយការណ៍ជូនពេលក្រោយ៕
