ប្រតិបត្តិការ ៦៨នាទី នគរបាលបង្រ្កាបបានមុខសញ្ញាចោរលួចម៉ូតូ នៅស្រុកសំរោងទង ដកហូតបានម៉ូតូ មួយគ្រឿងត្រឡប់មកវិញ!!!
ខេត្តកំពង់ស្ពឺ៖នៅថ្ងៃសៅរ៍ ៦រោច ខែអស្សុជ ឆ្នាំថោះបញ្ចស័ក ព.ស២៥៦៧ ត្រូវនឹងថ្ងៃទី៤ ខែវិច្ឆិកា ឆ្នាំ២០២៣ វេលាម៉ោង ១១ និង ០៨នាទី ព័ត៌មានទទួលបានពី តាមកាមេរ៉ាសុវត្តិភាព ករណីចោរកម្ម ( លួចម៉ូតូ )
ម៉ូតូរបស់ជនរងគ្រោះ មានឈ្មោះ ប៉ា ឆៃណា ភេទប្រុស អាយុ១៧ឆ្នាំ នៅភូមិត្រពាំងខ្យង ឃុំរលាំងគ្រើល ស្រុកសំរោងទង បានអូសម៉ូតូម៉ាកប៊ីត ពណ៍ស.ក្រហម សេរីឆ្នាំ២០១៩ លេខកំពង់ស្ពឺ1U.4400 មកទុកមុខផ្ទះ ហើយដើរមកក្នុងផ្ទះដើម្បីកឹបសោរទ្វា
ភ្លាមនោះជនសង្ស័យមានគ្នាពីរនាក់ប្រុស ជិះម៉ូតូ១គ្រឿង ម៉ាកហុងដា សេ១២៥ ពណ៍ខ្មៅ ម្នាក់ស្លៀកខោខៅប៊យជើងវែង អាវយឺតដៃវែង ចុះពីម៉ូតូដេីរមកលួចយកម៉ូតូជនរងគ្រោះជិះគេចខ្លួនតែម្ដង ។
ក្រោមបញ្ជាផ្ទាល់ដឹកនាំផ្ទាល់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ នគរបាលស្រុកសំរោងទង ចំណាត់ការបញ្ជាតាមប្រព័ន្ធបញ្ជាទាក់ទងរបស់សមត្ថកិច្ចនគរបាលបន្ទាន់ ( hotline SS ) ននៅវេលាម៉ោង១១និង៣០នាទី រយៈពេល ៦០នាទី កម្លាំងផ្នែកព្រហ្មទណ្ឌស្រុកសហការជាមួយប៉ុស្ដិត្រពាំងគង និងប៉ុស្ដិរលាំងគ្រើល ឃាត់ឈ្មោះ សែ គីមម៉េង ហៅអេង ហៅស្រេង ភេទប្រុស អាយុ២៥ឆ្នាំរស់នៅភូមិត្រពាំងវែង ឃុំត្រពាំងគង ស្រុកសំរោងទង ដកហូតម៉ូតូរបស់ជនរងគ្រោះ១គ្រឿង ម៉ាកប៊ីត ពណ៍ស ក្រហម សេរីឆ្នាំ២០១៩ ជាម៉ូតូរបស់ជនរងគ្រោះ។
ជនសង្ស័យខាងលើបានឆ្លើយសារភាពថាខ្លួន ពិតជាបានលួចម៉ូតូខាងលើពិតប្រាដកមែន រីឯបក្សពួកម្នាក់ទៀតឈ្មោះហៅ អ.ក ភេទប្រុស អាយុ២៣ឆ្នាំនៅម្ដុំពោធិចិនតុង រាជធានីភ្នំពេញ(គេចខ្លួន)។
•ករណីខាងលេី សមត្ថកិច្ចជំនាញបានធ្វើការសាកសួរ និងកសាងសំណុំរឿងបញ្ជូនទៅ ស្នងការដ្ឋាននគរបាលខេត្តកំពង់ស្ពឺ ចាត់ការតាមនីតិវិធី។
