មានគ្រោះថ្នាក់ចរាចរណ៍មួយបានកើតឡើងរវាងរថយន្ត CRVបុកជាមួយម៉ូតូ pcx ពណ៌សបើកបរដោយស្ត្រីម្នាក់រងរបួសបាក់ជើងបានបញ្ជូនទៅមន្ទីរពេទ្យនៅក្រុងប៉ោយប៉ែត!!!
ខេត្តបន្ទាយមានជ័យ៖នៅយប់ថ្ងៃអង្គារ ៧រោច ខែកត្តិក ឆ្នាំខាល ចត្វាស័ក ពស២៥៦៦ ត្រូវនឹងថ្ងៃទី ១៥ ខែវិច្ឆិកា ឆ្នាំ ២០២២នេះនៅវេលាម៉ោង ១១និង ២០ នាទីយប់រំលងអធ្រាតមានករណីគ្រោះថ្នាក់ចរាចរណ៍មួយបានកើតឡើងរវាងរថយន្ត CRVបុកជាមួយម៉ូតូ pcx ពណ៌សនៅចំណុចផ្លូវបំបែកជាបួនបណ្ដោយផ្លូវអង់តែន០១៦ក្បែរកាស៊ីណូនាគទិព្វ១ ស្ថិតនៅក្នុងភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
សូមបញ្ជាក់ថា៖រថយន្ត CRVបើកបរទិសដៅពីកើតទៅលិចដល់ចំណុចផ្លូវបំបែកជាបួន បើកបរខ្វះការប្រុងប្រយ័ត្ន ក៏បានបុកម៉ូតូ psx ពណ៌សធ្វើឱ្យអ្នកបើកបរម៉ូតូជាស្ត្រីរងរបួសបាក់ជើង ចំណែកម៉ូតូ psx ពណ៌សបើកបរទិសដៅពីរត្បូងទៅជើងបណ្ដោយផ្លូវ ០១៦បើកបរក្នុងល្បឿនលឿនខ្វះការប្រុងប្រយ័ត្នដល់ចំណុចផ្លូវបំបែកជាបួនក៏បានត្រូវរថយន្តCRVបុកបណ្តាលឲរងរបួសបាក់ជើងធ្ងន់ធ្ងរនៅពេលនោះក៏បានគ្រួសារបញ្ជូនទៅកាន់មន្ទីរពេទ្យដើម្បីជួយសង្គ្រោះផងដែរ។
នៅពេលកើតហេតុភាគីរថយន្តនិងភាគីម៉ូតូក៏បានចរចាគ្នាដើម្បីបញ្ចប់រឿងប៉ុន្តែមិនត្រូវគ្នាក៏បានឲ្យកម្លាំងជំនាញផ្នែកចរាចរណ៍នគរបាលក្រុងប៉ោយប៉ែតធ្វើការវាស់វែងដើម្បីរកខុសត្រូវរៀងៗខ្លួនផងដែរ។
ករណីគ្រោះថ្នាក់ចរាចរណ៍ខាងលើក៏មានកម្លាំងសមត្ថកិច្ចនគរបាលផ្នែកចរាចរណ៍នៃអធិការដ្ឋាននគរបាលក្រុងប៉ោយប៉ែតក៏បានចុះដល់ទីតាំងកន្លែងកើតហេតុធ្វើការវាស់វែងរួចហើយក៏បានយករថយន្តនិងម៉ូតូទៅរក្សាទុកនៅអធិការដ្ឋាននគរបាលក្រុងប៉ោយប៉ែតដើម្បីរង់ចាំដោះស្រាយតាមនីតិវិធីច្បាប់នៅពេលក្រោយ។ដោយ បង វាសនា 
