ប្រជាពលរដ្ឋ២២០០គ្រួសារ មកពីមូលដ្ឋានឃុំចំនួន០៥បានទទួលអំណោយដ៏ថ្លៃថ្លារបស់ឯកឧត្តមបណ្ឌិតហ៊ុនម៉ាណែតនិងលោកជំទាវនៅក្នុងស្រុកម៉ាឡៃ!!!
(ខេត្តបន្ទាយមានជ័យ)៖ថ្ងៃព្រហស្បតិ៍ ១៤រោច ខែពិសាខ ឆ្នាំថោះ បញ្ចស័កព.ស ២៥៦៧ តត្រូវនឹងថ្ងៃទី១៨ ខែឧសភា ឆ្នាំ២០២៣នេះ ឯកឧត្តម ប៉ាន់ ខែម ប៊ុនថន ស្រឡាញ់សន្តិភាព សមាជិកគណៈកម្មាធិការកណ្តាល គណបក្សប្រជាជនកម្ពុជា និងជានាយករងខុទ្ទកាល័សម្តេចតេជោនាយកដ្ឋមន្ត្រី រួមជាមួយឯកឧត្តម អ៊ុំ រាត្រី ប្រធានគណៈកម្មាធិការគណបក្សប្រជាជនកម្ពុជា ខេត្តបន្ទាយមានជ័យ និងជាអភិបាល នៃគណៈអភិបាលខេត្តបន្ទាយមានជ័យ ឯកឧត្តម សេង ធារិន ឯកឧត្តមតឹក ប៊ុនធឿន លោកជំទាវឧកញ៉ាប៉ាង ណាគ្រីបានចួបសំណេះសំណាលជាមួយបងប្អូនប្រជាពលរដ្ឋ ជាគ្រួសារគណបក្សប្រជាជនកម្ពុជាចំនួន២,២០០គ្រួសារ មកពីមូលដ្ឋានឃុំចំនួន០៥ នៅក្នុងស្រុកម៉ាឡៃ ខេត្តបន្ទាយមានជ័យ រួមមាន៖ ឃុំបឹងបេង ឃុំម៉ាឡៃ ឃុំអូរស្រឡៅ ឃុំអូរសំព័រ និងឃុំទួលពង្រ ។
កម្មវិធីនេះបានប្រព្រឹត្តទៅនៅបរិវេណក្រុមហ៊ុន ប៉ាង ណាគ្រី ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រីអ្នកមុខអ្នកការជាច្រេីននាក់។ ជាមួយគ្នានេះបងប្អូនប្រជាពលរដ្ឋក៏ទទួលបានអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ក្នុង០១គ្រួសារទទួលបានអង្ករ ០១ការ៉ុង ស្មើនឹង២៥គីឡូ និងត្រីខ០១យួរ ស្មើនឹង០៦កំប៉ូង ព្រមទាំងសារ៉ុងសរុបចំនួន៧,២០០សារ៉ុង អាវគណបក្សសរុប៣,០០០អាវ មួកគណបក្សសរុប៣,០០០មួក។